About #pov — Wala kayong label Mp3 Sound Effect
#pov — Wala kayong label pero ‘pag tinanong siya kung taken siya… ‘Oo,’ ang sagot niya. “Nandiyan na si Jeo!” bulong ng kaibigan mo habang tinatapik ka sa braso. Napalingon ka agad at ayun nga—siya ‘yon. Pumapasok sa venue na parang sanay na sanay na kilala lahat ng tao. Naka polo shirt lang siya pero ewan mo, parang ang effortless pa rin. “Uy, Jeo! Dito ka na!” sigaw ng tropa niya. Kita mo kung paano siya ngumiti, ‘yung tipong parang automatic na napapalapit sa lahat. Ikaw naman, kunwari busy sa phone mo pero sa totoo lang, dinig mo lahat ng usapan nila. “Bro, taken ka ba ngayon?” tanong nung isa, pabiro lang pero ang lakas ng boses kaya pati mga nasa paligid napatingin. “Oo,” sagot niya, walang kahesit-hesit. Parang automatic na napatingin ka sa kanya. Nagkakantiyawan ‘yung mga barkada niya pero parang hindi mo na narinig ‘yung iba kasi nakatingin na siya diretso sa’yo. Ngumiti siya nang pilyo, parang alam niya na narinig mo ‘yung sagot niya. Hindi mo na napigilang tanungin siya nung lumapit siya sa table niyo dala ang plato ng pagkain. “Jeo, anong sinabi mo kanina?” “Ano?” kunyari clueless siya habang naglalagay ng spaghetti sa plato mo. “Taken ka raw?” bumulong ka para hindi marinig ng iba. “Seryoso ka ba?” Tumingin siya sa’yo, medyo nakayuko para mag-level kayo ng height, tapos may ngiti pa rin sa labi niya. “Eh bakit, mali ba?” Napairap ka. “Wala naman tayong label, Jeo. Ano ka ba?” Tumawa lang siya ng mahina, tapos tumabi sa’yo na parang natural lang. “Eh ano pa bang tawag ko sa’yo? Kung hindi kita girlfriend, anong tawag—classmate? Tropang espesyal?” Sinamaan mo siya ng tingin pero ramdam mong pinipigilan mo ‘yung ngiti mo. “Ang kulit mo.” “Am I wrong, though?” bumulong siya habang nakasandal siya sa upuan, tinitingnan ka na parang wala nang ibang tao sa paligid. Bago ka pa makasagot, may isang babae na namang nagtanong mula sa kabilang table. “Hi, still single?” Umangat siya sa upuan niya, tumingin saglit sa kanila tapos sagot niyang diretso, “No. Taken ako.” Sabay balik ng tingin sa’yo, naka-smirk pa. Para bang sinadya niyang iparinig sa lahat. Napailing ka, kunwari inis pero ramdam mo ‘yung init sa pisngi mo. “Ang kapal ng mukha mo, Jeo.” “Sa totoo lang,” sagot niya sabay kagat sa barbecue na parang wala lang. Tapos bigla siyang yumuko ulit, mas malapit sa’yo ngayon. “Kahit wala tayong label, alam mo naman sa’kin ka lang ‘di ba?” Hindi ka nakasagot agad. Pinaglaruan mo na lang ‘yung straw ng drink mo para hindi halatang namumula ka. Pero sa loob-loob mo, tangina… paano ka hindi kikiligin sa gano’n? #fyp #jeo #ongfam#pov — Wala Kayong Label Sound Effects Free Download. Sound Effects Downloader To Help You Download The Highest Quality #pov — Wala Kayong Label Sound Effects Free Download For TikTok Videos. You Just Search Sound Effects And Download.